חַלְּצֵנִי יְהוָה מֵאָדָם רָע 
מֵאִישׁ חֲמָסִים תִּנְצְרֵנִי׃
אֲשֶׁר חָשְׁבוּ רָעוֹת בְּלֵב 
כָּל יוֹם יָגוּרוּ מִלְחָמוֹת׃
שָׁנְנוּ לְשׁוֹנָם כְּמוֹ נָחָשׁ 
חֲמַת עַכְשׁוּב תַּחַת שְׂפָתֵימוֹ סֶלָה
שָׁמְרֵנִי יְהוָה מִידֵי רָשָׁע 
מֵאִישׁ חֲמָסִים תִּנְצְרֵנִי  
אֲשֶׁר חַשְׁבוּ לִדְחוֹת פְּעָמָי׃
טָמְנוּ גֵאִים פַּח לִי וְחֹבְלִים פָּרָשׂוּ רֶשֶׁת  
לְיַד מַעְגָּל מֹקְשִׁים שָׁתוּ לִי סֶלָה׃
יָרוּמוּ רֹאשׁ מְסִבָּי עֲמַל שְׂפָתֵימוֹ יכסומו׃ 
אָמַרְתִּי לַיהוָה אֵלִי אָתָּה 
הַאֲזִינָה יְהוָה קוֹל תַּחֲנוּנָי׃
יְהוָה אֲדֹנָי עֹז יְשׁוּעָתִי 
סַכֹּתָה לְרֹאשִׁי בְּיוֹם נָשֶׁק׃
אַל תִּתֵּן יְהוָה מַאֲוַיֵּי רָשָׁע 
זְמָמוֹ אַל תָּפֵק סֶלָה׃
יִמֹטו עֲלֵיהֶם גֶּחָלִים בָּאֵשׁ 
יַפִּלֵם בְּמַהֲמֹרוֹת בַּל יָקוּמוּ׃
אִישׁ לָשׁוֹן בַּל יִכּוֹן בָּאָרֶץ 
אִישׁ חָמָס רָע יְצוּדֶנּוּ לְמַדְחֵפֹת׃
יָדַעְתִּי כִּי יַעֲשֶׂה יְהוָה דִּין עָנִי 
מִשְׁפַּט אֶבְיֹנִים׃
אַךְ צַדִּיקִים יוֹדוּ לִשְׁמֶךָ 
יֵשְׁבוּ יְשָׁרִים אֶת פָּנֶיךָ׃