יְהוָה בְּשִׁמְךָ הוֹשִׁיעֵנִי וּבִגְבוּרָתְךָ תְדִינֵנִי׃
אלהי שְׁמַע תְּפִלָּתִי הַאֲזִינָה לְאִמְרֵי פִי׃
כִּי זֵדִים קָמוּ עָלַי וְעָרִיצִים בִּקְשׁוּ נַפְשִׁי
לֹא שָׂמוּ אֱלֹהִים לְנֶגְדָּם סֶלָה׃
הִנֵּה אלהי עֹזֵר לִי אלהי בְּסֹמְכֵי נַפְשִׁי׃
יָשִׁיב הָרַע לְשֹׁרְרָי בַּאֲמִתְּךָ הַצְמִיתֵם׃ 
 בִּנְדָבָה אֶזְבְּחָה לָּךְ 
אוֹדֶה שִּׁמְךָ יְהוָה כִּי טוֹב׃
כִּי מִכָּל צָרָה הִצִּילָנִי 
וּבְאֹיְבַי רָאֲתָה עֵינִי׃