הַלְלוּ אֶת שֵׁם יְהוָה הַלְלוּ עַבְדֵי יְהוָה׃
שֶׁעֹמְדִים בְּבֵית יְהוָה בְּחַצְרוֹת בֵּית אֱלֹהֵינוּ׃
הַלְלוּ יָהּ כִּי טוֹב יְהוָה זַמְּרוּ לִשְׁמוֹ כִּי נָעִים׃
כִּי יַעֲקֹב בָּחַר לוֹ יָהּ יִשְׂרָאֵל לִסְגֻלָּתוֹ׃
כִּי אֲנִי יָדַעְתִּי כִּי גָדוֹל יְהוָה אֲדֹנֵינוּ׃
כֹּל אֲשֶׁר חָפֵץ יְהוָה עָשָׂה 
בַּשָּׁמַיִם וּבָאָרֶץ בַּיַּמִּים וְכָל תְּהֹמוֹת׃
מַעֲלֶה נְשִׂאִים מִקְצֵה הָאָרֶץ 
בְּרָקִים לַמָּטָר עָשָׂה מוֹצִא רוּחַ מֵאוֹצְרוֹתָיו׃
שֶׁהִכָּה בְּכוֹרֵי מִצְרָיִם מֵאָדָם עַד בְּהֵמָה׃
שָׁלַח אוֹתֹת וּמֹפְתִים בְּתוֹכֵכִי מִצְרָיִם 
בְּפַרְעֹה וּבְכָל עֲבָדָיו׃
שֶׁהִכָּה גּוֹיִם רַבִּים וְהָרג מְלָכִים עֲצוּמִים׃
לְסִיחוֹן מֶלֶךְ הָאֱמֹרִי וּלְעוֹג מֶלֶךְ הַבָּשָׁן 
וּלְכֹל מַמְלְכוֹת כְּנָעַן׃
וְנָתַן אַרְצָם נַחֲלָ  נַחֲלָה לְיִשְׂרָאֵל עַמּוֹ:
יְהוָה שִׁמְךָ לְעוֹלָם יְהוָה זִכְרְךָ לְדֹר וָדֹר׃
בֵּית יִשְׂרָאֵל בָּרְכוּ אֶת יְהוָה 
בֵּית אַהֲרֹן בָּרְכוּ אֶת יְהוָה׃
בֵּית הַלֵּוִי בָּרְכוּ אֶת יְהוָה 
יִרְאֵי יְהוָה בָּרְכוּ אֶת יְהוָה׃
בָּרוּךְ יְהוָה מִצִּיּוֹן שֹׁכֵן יְרוּשָׁלָם  
הַלְלוּ יָהּ׃